ميريام‏ ‏فارس‏ ‏وهي‏ ‏تحتفل‏ ‏بعيد‏ ‏ميلادها‏:‏أعيش‏ ‏الغرام علي‏ ‏المسرح‏ ‏فقط‏..‏ ولو‏ ‏حسيت‏ ‏إن‏ ‏فيه واحد‏ ‏معجب‏ ‏بي‏..‏ أهرب‏ ‏علي‏ ‏طول

‏لماذا‏ ‏اخترت‏ ‏فيلم‏ ‏سيلينا‏ ‏ليكون‏ ‏بدايتك‏ ‏السينمائية‏ ‏؟


‏حاجات‏ ‏كتيرة‏ ‏جدا‏.. ‏منها‏ ‏أن‏ ‏حلم‏ ‏أي‏ ‏فنان‏ ‏ان‏ ‏يتعامل‏ ‏مع‏ ‏الرحبانية‏.. ‏ده‏ ‏غير‏ ‏إن‏ ‏الدور‏ ‏نفسه‏ ‏هو‏ ‏اللي‏ ‏أدته‏ ‏السيدة‏ ‏فيروز‏ ‏من‏ ‏قبل‏ ‏في‏ ‏مسرحية‏ ‏هالة‏ ‏والملك‏.. ‏وكمان‏ ‏وجود‏ ‏منتج‏ ‏مثل‏ ‏نادر‏ ‏الأتاسي‏ ‏انتج‏ ‏مجموعة‏ ‏من‏ ‏الأفلام‏ ‏العظيمة‏ ‏في‏ ‏تاريخ‏ ‏السينما‏ ‏العربية‏.. ‏وفنانين‏ ‏كبار‏ ‏داخل‏ ‏الفيلم‏ ‏نفسه‏ ‏يصعب‏ ‏انك‏ ‏تجمعهم‏ ‏في‏ ‏فيلم‏ ‏واحد‏.. ‏وقبل‏ ‏ده‏ ‏كله‏ ‏انه‏ ‏فيلم‏ ‏من‏ ‏الأفلام‏ ‏اللي‏ ‏انقرضت‏ ‏دلوقتي‏ ‏لأنه‏ ‏ميوزيكال


‏بصراحة‏.. ‏قلت‏ ‏ايه‏ ‏لنفسك‏ ‏لما‏ ‏عرض‏ ‏عليك‏ ‏الفيلم‏ ‏؟


‏والله‏.. ‏لما‏ ‏لقيت‏ ‏تمسك‏ ‏المنتج‏ ‏اللي‏ ‏اكتشف‏ ‏موهبة‏ ‏التمثيل‏ ‏عند‏ ‏الكثير‏ ‏من‏ ‏النجوم‏ ‏الكبار‏ ‏زي‏ ‏السيدة‏ ‏فيروز‏ ‏أو‏ ‏القدير‏ ‏دريد‏ ‏لحام‏ ‏في‏ ‏إني‏ ‏أقوم‏ ‏بهذا‏ ‏الدور‏.. ‏بجد‏ ‏كنت‏ ‏مرعوبة‏.. ‏وبعد‏ ‏كده‏ ‏قلت‏ ‏لنفسي‏ ‏خلليني‏ ‏عند‏ ‏ثقته‏ ‏في‏.‏


‏فوجئنا‏ ‏أنك‏ ‏غنيت‏ ‏أغاني‏ ‏الفيلم‏ ‏رغم‏ ‏أن‏ ‏مخرجه‏ ‏صرح‏ ‏في‏ ‏أكثر‏ ‏من‏ ‏صحيفة‏ ‏عربية‏ ‏بأن‏ ‏فيروز‏ ‏اعترضت‏ ‏علي‏ ‏غنائك‏ ‏لأغانيها‏ ‏؟


‏الكلام‏ ‏ده‏ ‏مفيهوش‏ ‏شيء‏ ‏من‏ ‏الصحة‏.. ‏ولا‏ ‏أعتقد‏ ‏إن‏ ‏حاتم‏ ‏علي‏ ‏قال‏ ‏كده‏.. ‏لأنه‏ ‏كان‏ ‏من‏ ‏الصعب‏ ‏اختيار‏ ‏الشخصية‏ ‏اللي‏ ‏تعمل‏ ‏الدور‏ ‏في‏ ‏انهم‏ ‏عاوزين‏ ‏واحدة‏ ‏بتغني‏ ‏وتمثل‏ ‏وقادرة‏ ‏علي‏ ‏الأداء‏ ‏الحركي‏.. ‏وإلا‏ ‏كانوا‏ ‏اختاروا‏ ‏اي‏ ‏ممثلة‏ ‏وخلوا‏ ‏صوت‏ ‏السيدة‏ ‏فيروز‏ ‏موجود‏.. ‏وتثبيتا‏ ‏لكلامي‏ ‏هتلاقوا‏ ‏اننا‏ ‏أعدنا‏ ‏توزيع‏ ‏الأغاني‏ ‏كلها‏ ‏في‏ ‏الفيلم‏ ‏حتي‏ ‏الاستاذ‏ ‏إيلي‏ ‏شويري‏ ‏اللي‏ ‏كان‏ ‏أبو‏ ‏السيدة‏ ‏فيروز‏ ‏في‏ ‏المسرحية‏ ‏وهو‏ ‏اللي‏ ‏بيقوم‏ ‏بدور‏ ‏والدي‏ ‏برضه‏ ‏في‏ ‏الفيلم‏ ‏أعاد‏ ‏تسجيل‏ ‏أغانيه‏ ‏مرة‏ ‏تانية‏.‏‏


‏كلمينا‏ ‏عن‏ ‏شخصيتك‏ ‏في‏ ‏القصة‏ ‏؟


‏أجسد‏ ‏دور‏ ‏بنت‏ ‏فقيرة‏ ‏تدعي‏ ‏هالة‏ ‏عايشة‏ ‏في‏ ‏الضيعة‏ ‏ـ‏ ‏أي‏ ‏الريف‏ ‏ـ‏ ‏وبتنزل‏ ‏علي‏ ‏المدينة‏ ‏علشان‏ ‏تبيع‏ ‏أقنعة‏ ‏عيد‏ ‏الهالوين‏ ‏لتكسب‏ ‏عيشها‏, ‏فيعتقد‏ ‏أهل‏ ‏المدينة‏ ‏أنها‏ ‏أميرة‏ ‏متنكرة‏ ‏في‏ ‏زي‏ ‏فقيرة‏ ‏وبيكونوا‏ ‏عاوزين‏ ‏ياخدوها‏ ‏لملك‏ ‏المدينة‏, ‏ومن‏ ‏هنا‏ ‏تبدأ‏ ‏الأحداث‏ ‏اللي‏ ‏بتدور‏ ‏في‏ ‏عام‏ 1900‏م‏.‏


‏علي‏ ‏ذكر‏ ‏سنة‏ 1900‏م‏ ‏تفتكري‏ ‏ايه‏ ‏اللي‏ ‏يخلي‏ ‏الجمهور‏ ‏يدفع‏ ‏ثمن‏ ‏تذكرة‏ ‏السينما‏ ‏لدخول‏ ‏الفيلم‏ ‏في‏ ‏ظل‏ ‏انه‏ ‏عنده‏ ‏أفلام‏ ‏تانية‏ ‏موجودة‏ ‏تحاكي‏ ‏ما‏ ‏يريده‏


‏اللي‏ ‏حصل‏ ‏إن‏ ‏الاستاذ‏ ‏منصور‏ ‏الرحباني‏ ‏ـ‏ ‏رحمه‏ ‏الله‏ ‏ـ‏ ‏أعاد‏ ‏تركيبة‏ ‏وصياغة‏ ‏مفردات‏ ‏الفيلم‏ ‏بشكل‏ ‏يتماشي‏ ‏مع‏ ‏عصرنا‏ ‏دلوقتي‏.. ‏لدرجة‏ ‏أنك‏ ‏تحس‏ ‏إن‏ ‏الفيلم‏ ‏بيناقش‏ ‏الاحداث‏ ‏السياسية‏ ‏والحالة‏ ‏الاقتصادية‏ ‏حاليا‏.. ‏فاللي‏ ‏يشوفه‏ ‏هيلاقي‏ ‏الأحداث‏ ‏اللي‏ ‏بتدور‏ ‏في‏ ‏الشارع‏ ‏او‏ ‏مع‏ ‏الحكومة‏ ‏وغيره‏ ‏كأنها‏ ‏بتحصل‏ ‏دلوقتي‏ ‏بس‏ ‏بلبس‏ ‏عصر‏ ‏تاني‏.‏‏


‏حاسس‏ ‏أنك‏ ‏تقصدي‏ ‏إن‏ ‏مشاكلنا‏ ‏متغيرتش‏ ‏من‏ ‏مائة‏ ‏سنة؟‏


‏للأسف‏ .. ‏الموضوع‏ ‏اللي‏ ‏بنتكلم‏ ‏عنه‏ ‏في‏ ‏الفيلم‏ ‏كان‏ ‏موجود‏ ‏زمان‏ ‏ومازال‏ ‏موجودا‏ ‏لحد‏ ‏دلوقتي‏.. ‏فالفيلم‏ ‏بيناقش‏ ‏واقع‏ ‏الفقراء‏.. ‏والتسلط‏ ‏عليهم‏ .. ‏والذل‏ ‏اللي‏ ‏بيشفوه‏ ‏احيانا‏ ‏من‏ ‏المجتمع‏.. ‏والكبير‏ ‏اللي‏ ‏بياكل‏ ‏حق‏ ‏الصغير‏.. ‏فكل‏ ‏ده‏ ‏مازال‏ ‏موجودا‏ ‏في‏ ‏مجتمعنا‏.. ‏وده‏ ‏خلاني‏ ‏أمثل‏ ‏الفيلم‏ ‏علشان‏ ‏ادافع‏ ‏عن‏ ‏الناس‏ ‏دي‏.‏‏


في‏ ‏رأيك‏ ‏أيه‏ ‏اكتر‏ ‏الحاجات‏ ‏اللي‏ ‏محتاجين‏ ‏مواجهتها‏ ‏دلوقتي‏ ‏؟


‏فيه‏ ‏البطالة‏ ‏أو‏ ‏انك‏ ‏تلاقي‏ ‏ناس‏ ‏بتتخرج‏ ‏من‏ ‏أهم‏ ‏الجامعات‏ ‏ومش‏ ‏لاقية‏ ‏شغل‏ ‏في‏ ‏مجالها‏ ‏وتضطر‏ ‏انها‏ ‏تروح‏ ‏تشتغل‏ ‏في‏ ‏وظائف‏ ‏غير‏ ‏التخصص‏ ‏بتاعها‏ ‏وإلا‏ ‏تقعد‏ ‏في‏ ‏البيت‏.


‏سمعنا‏ ‏أنك‏ ‏نشأت‏ ‏في‏ ‏أسرة‏ ‏متوسطة‏ ‏الحال‏ ‏من‏ ‏جنوب‏ ‏لبنان‏.. ‏فهل‏ ‏شعرت‏ ‏كـ‏ ‏ميريام‏ ‏في‏ ‏وقت‏ ‏من‏ ‏الأوقات‏ ‏بهذا‏ ‏؟


‏بالفعل‏ ‏جذوري‏ ‏من‏ ‏الجنوب‏ ‏الذي‏ ‏افتخر‏ ‏بانتمائي‏ ‏له‏.. ‏لكني‏ ‏عشت‏ ‏مع‏ ‏عيلتي‏ ‏في‏ ‏بيروت‏ ‏وكنا‏ ‏ميسوري‏ ‏الحال‏ ‏بالاساس‏.. ‏والحمد‏ ‏لله‏ ‏لم‏ ‏أعان‏ ‏هذه‏ ‏الامور‏ ‏إنما‏ ‏كلامي‏ ‏كله‏ ‏بناء‏ ‏علي‏ ‏إني‏ ‏عايشة‏ ‏مع‏ ‏المجتمع‏ ‏وبنزل‏ ‏الشارع‏ ‏وبشوف‏ ‏الناس‏ ‏وعندي‏ ‏أصدقاء‏ ‏كتير‏ ‏حالتهم‏ ‏المادية‏ ‏مش‏ ‏كويسة‏.. ‏فكل‏ ‏اللي‏ ‏بيحصل‏ ‏ده‏ ‏بيحركني‏


‏لو‏ ‏سلمتك‏ ‏شنطة‏ ‏فيها‏ ‏مجموعة‏ ‏من‏ ‏الوزارات‏ .. ‏أي‏ ‏وزارة‏ ‏هتختاري‏ ‏؟‏


‏بدون‏ ‏تفكير‏ ‏ترد‏ : ‏الشئون‏ ‏الاجتماعية‏.. ‏علشان‏ ‏انا‏ ‏قريبة‏ ‏كتير‏ ‏من‏ ‏الناس‏ ‏واعرف‏ ‏مشاكلهم‏.. ‏ويارب‏ ‏أقدر‏ ‏علي‏ ‏حلها‏.‏‏


‏وهل‏ ‏عندك‏ ‏مثل‏ ‏هذه‏ ‏الحلول‏ ‏؟


‏أنا‏ ‏شخصيا‏ ‏وين‏ ‏ما‏ ‏بكون‏ ‏بتكلم‏ ‏في‏ ‏السيرة‏ ‏دي‏.. ‏ولما‏ ‏بجتمع‏ ‏مع‏ ‏أهم‏ ‏الناس‏ ‏في‏ ‏مجال‏ ‏السياسة‏ ‏علي‏ ‏طول‏ ‏بيكون‏ ‏الموضوع‏ ‏ده‏ ‏علي‏ ‏لساني‏.. ‏أما‏ ‏إذا‏ ‏تقصد‏ ‏بسؤالك‏ ‏انا‏ ‏قادرة‏ ‏أعمل‏ ‏إيه‏ ‏شخصيا‏ ‏؟‏!.. ‏فأنا‏ ‏قادرة‏ ‏اساعد‏ ‏الناس‏ ‏اللي‏ ‏حواليا‏.. ‏قادرة‏ ‏أؤمن‏ ‏وظائف‏ ‏للناس‏ ‏اللي‏ ‏بعرفها‏ ‏عن‏ ‏طريق‏ ‏معارفي‏.. ‏لكن‏ ‏اكتر‏ ‏من‏ ‏كده‏ ‏مقدرش‏ ‏اعمل‏ ‏حاجة‏.‏‏


‏لو‏ ‏رسمت‏ ‏بورتريه‏ ‏لصفاتك‏ ‏وللهواجس‏ ‏والأفكار‏ ‏في‏ ‏ذهنك‏.. ‏هيطلع‏ ‏شكله‏ ‏أيه؟


‏هيطلع‏ ‏حاجة‏ ‏مش‏ ‏مرسومة‏ ‏بتأني‏.. ‏هيكون‏ ‏زي‏ ‏الرسم‏ ‏التجريدي‏.. ‏يعني‏ ‏مش‏ ‏هتكون‏ ‏الملامح‏ ‏موجودة‏ ‏أوي‏.. ‏وانما‏ ‏هتلاقي‏ ‏فيها‏ ‏من‏ ‏الجمال‏ ‏ومن‏ ‏العفرتة‏ ‏ومن‏ ‏الأفكار‏ ‏الكتيرة‏ ‏الموجودة‏ ‏عندي‏ ‏في‏ ‏كل‏ ‏حاجة‏ ‏بعرفها‏ ‏بحياتي‏.. ‏وممكن‏ ‏كل‏ ‏حاجة‏ ‏فيها‏ ‏احطها‏ ‏في‏ ‏سطر‏ ‏من‏ ‏الرسمة‏ ‏اللي‏ ‏هتكون‏ ‏من‏ ‏كل‏ ‏الألوان‏ ‏لاني‏ ‏بحب‏ ‏الألوان‏ ‏أوي‏


‏وهل‏ ‏اللي‏ ‏هيشوف‏ ‏الرسمة‏ ‏دي‏ ‏هيفهمها‏ ‏؟


‏تعلو‏ ‏ضحكاتها‏ ‏وهي‏ ‏تقول‏ : ‏المهم‏ ‏أنا‏ ‏أفهم‏.. ‏علشان‏ ‏أنا‏ ‏مش‏ ‏بحب‏ ‏الحاجة‏ ‏المنحوتة‏.. ‏يعني‏ ‏مبحبش‏ ‏اشوف‏ ‏شخص‏ ‏لابس‏ ‏كله‏ ‏نفس‏ ‏اللون‏.. ‏بحب‏ ‏الألوان‏.. ‏بحب‏ ‏التنسيق‏.. ‏بس‏ ‏مش‏ ‏كله‏ ‏نفس‏ ‏اللون‏.. ‏يعني‏ ‏بحب‏ ‏التجدد‏ ‏والتغيير‏ ‏زي‏ ‏البحر‏ ‏كده‏


‏وإذا‏ ‏افترضنا‏ ‏أنك‏ ‏قابلت‏ ‏هالة‏ ‏في‏ ‏الحياة‏ ‏الحقيقية‏ ‏اللي‏ ‏بتعيشيها‏.. ‏هتتعاملي‏ ‏معاها‏ ‏إزاي‏ ‏؟


‏هعشقها‏ ‏لانها‏ ‏بنت‏ ‏عفوية‏ ‏وصادقة‏.. ‏وعندها‏ ‏عزة‏ ‏نفس‏ ‏وكرامة‏ ‏وميهمهاش‏ ‏حاجة‏ ‏غير‏ ‏الصدق‏.. ‏يعني‏ ‏يمكن‏ ‏أنا‏ ‏بطبيعتي‏ ‏بحب‏ ‏أكون‏ ‏قريبة‏ ‏من‏ ‏الناس‏ ‏دي‏ ‏وعلشان‏ ‏كده‏ ‏هتلاقي‏ ‏إن‏ ‏أغلب‏ ‏أصحابي‏ ‏المقربين‏ ‏هم‏ ‏اللي‏ ‏كانوا‏ ‏معايا‏ ‏أيام‏ ‏الدراسة‏.‏‏


‏وإزاي‏ ‏بتعرفي‏ ‏تفرقي‏ ‏بين‏ ‏المجاملات‏ ‏والرأي‏ ‏الحقيقي‏ ‏اللي‏ ‏بيتقال‏ ‏لك‏ ‏؟


‏في‏ ‏الأول‏ ‏مكنتش‏ ‏بعرف‏ ‏أفرق‏.. ‏لكن‏ ‏دلوقتي‏ ‏بقيت‏ ‏أعرف‏ ‏افرق‏ ‏كتير‏ ‏منيح‏.. ‏من‏ ‏نظرة‏ ‏العين‏ ‏وكيف‏ ‏بيقولوا‏ ‏الكلمة‏.. ‏وأنا‏ ‏من‏ ‏النوع‏ ‏اللي‏ ‏بيحب‏ ‏النقد‏ ‏اوي‏.. ‏وبحب‏ ‏الناس‏ ‏اللي‏ ‏بينتقدوني‏.. ‏يعني‏ ‏مش‏ ‏من‏ ‏النوع‏ ‏اللي‏ ‏علي‏ ‏طول‏ ‏عاوزة‏ ‏حد‏ ‏يبخر‏ ‏لي‏.‏‏


‏هل‏ ‏لما‏ ‏كنت‏ ‏بتمثلي‏ ‏الفيلم‏ ‏تخيلت‏ ‏نفسك‏ ‏عايشة‏ ‏أجواء‏ ‏القرن‏ ‏الماضي‏ ‏؟


‏آه‏.. ‏وكان‏ ‏اكتر‏ ‏حاجة‏ ‏حبيتها‏ ‏هي‏ ‏كيف‏ ‏كانوا‏ ‏عايشين‏ ‏ببساطة‏ ‏ومش‏ ‏كل‏ ‏حاجة‏ ‏يلايلا‏ ‏يلا‏.. ‏بسرعة‏ ‏بسرعة‏ ‏بسرعة‏ .. ‏تضحك‏ .. ‏تحس‏ ‏أنهم‏ ‏كانوا‏ ‏عايشين‏ ‏رايقين‏ ‏أوي‏.‏


‏علي‏ ‏كده‏ ‏تقدري‏ ‏تعيشي‏ ‏حياتك‏ ‏النهاردة‏ ‏علي‏ ‏نفس‏ ‏الوتيرة‏ ‏؟


‏اتمني‏ ‏طبعا‏.. ‏لكن‏ ‏ساعتها‏ ‏هنلغي‏ ‏مواعيد‏ ‏الدنيا‏ ‏كلها‏.. ‏وهتبقي‏ ‏الحياة‏ ‏مستحيلة‏ ‏وصعبة‏ ‏جدا‏ ‏ومش‏ ‏هستحملها‏.. ‏لان‏ ‏توقيت‏ ‏الحياة‏ ‏معانا‏ ‏أتغير‏ ‏كتير‏.. ‏فمثلا‏ ‏زمان‏ ‏كانوا‏ ‏بيقعدوا‏ ‏يعملوا‏ ‏الأكل‏ ‏في‏ ‏ساعات‏ ‏أما‏ ‏النهاردة‏ ‏فممكن‏ ‏في‏ ‏عشر‏ ‏دقايق‏ ‏تعمل‏ ‏لك‏ ‏وجبة‏ ‏سريعة‏.. ‏تضحك‏ .. ‏ده‏ ‏غير‏ ‏الدليفري‏ ‏بقي‏.‏


‏تستطيع‏ ‏اي‏ ‏مطربة‏ ‏الغناء‏ ‏منفردة‏ ‏بدون‏ ‏آلات‏ ‏لكن‏ ‏عندما‏ ‏تمثل‏ ‏غالبا‏ ‏نجدها‏ ‏لا‏ ‏تستطيع‏ ‏التأقلم‏ ‏مع‏ ‏الجو‏ ‏العام‏ ‏الذي‏ ‏تعتبر‏ ‏فيه‏ ‏خرزة‏ ‏من‏ ‏عقد‏.. ‏فإزاي‏ ‏اتغلبت‏ ‏علي‏ ‏النقطة‏ ‏دي‏ ‏؟


‏فعلا‏ ‏بتكون‏ ‏فيه‏ ‏صعوبة‏.. ‏وعلشان‏ ‏كده‏ ‏لما‏ ‏اتفقت‏ ‏علي‏ ‏الفيلم‏ ‏أقدر‏ ‏أقول‏ ‏إني‏ ‏كنت‏ ‏متأكدة‏ ‏بنسبة‏ 90% ‏من‏ ‏العوامل‏ ‏اللي‏ ‏هتتوافر‏ ‏لي‏ ‏من‏ ‏وجود‏ ‏فريق‏ ‏عمل‏ ‏علي‏ ‏مستوي‏ ‏عالي‏ ‏شال‏ ‏عني‏ ‏عبء‏ ‏كبير‏.‏‏


‏فيلمك‏ ‏الأول‏ ‏في‏ ‏السينما‏ ‏كان‏ ‏دورا‏ ‏رئيسيا‏ .. ‏فهل‏ ‏معني‏ ‏كده‏ ‏أنه‏ ‏لو‏ ‏أتعرض‏ ‏عليك‏ ‏دور‏ ‏تاني‏ ‏مثلا‏ ‏هترفضيه‏ ‏؟


‏بص‏ .. ‏اللي‏ ‏عملته‏ ‏دلوقتي‏ ‏حاجة‏ ‏ضخمة‏ ‏أوي‏.. ‏كنت‏ ‏بحلم‏ ‏بها‏ ‏من‏ ‏وأنا‏ ‏طفلة‏.. ‏والحمد‏ ‏لله‏ ‏حققتها‏.. ‏وربنا‏ ‏أداني‏ ‏أكتر‏ ‏مما‏ ‏بستاهل‏.. ‏فبعد‏ ‏كده‏ ‏هيبقي‏ ‏حرام‏ ‏أوافق‏ ‏آخد‏ ‏حاجة‏ ‏أقل‏ ‏مستوي‏ ‏بغض‏ ‏النظر‏ ‏عما‏ ‏إذا‏ ‏كان‏ ‏دورا‏ ‏أول‏ ‏أو‏ ‏ثانيا‏.. ‏فالمهم‏ ‏أنه‏ ‏يكون‏ ‏علي‏ ‏قدر‏ ‏المستوي‏ ‏اللي‏ ‏عملته‏ ‏علي‏ ‏الأقل‏.


‏‏ألبوماتك‏ ‏وانتي‏ ‏مش‏ ‏معروفة‏ ‏وظهور‏ ‏أول‏ ‏افلامك‏ ‏وانتي‏ ‏مشهورة‏.. ‏حسيتي‏ ‏بأيه‏ ‏؟‏


‏لما‏ ‏نزلت‏ ‏أول‏ ‏ألبوم‏ ‏مكنتش‏ ‏خايفة‏ ‏خالص‏ ‏خالص‏.. ‏وكان‏ ‏كل‏ ‏اللي‏ ‏بتمناه‏ ‏إن‏ ‏الناس‏ ‏تلتفت‏ ‏لي‏ ‏مش‏ ‏حاجة‏ ‏تانية‏.. ‏أما‏ ‏ساعة‏ ‏نزول‏ ‏الفيلم‏ ‏فقلبي‏ ‏كان‏ ‏هيقف‏ ‏من‏ ‏الخوف‏.. ‏علشان‏ ‏الناس‏ ‏عرفتني‏ ‏ولو‏ ‏مطلعتش‏ ‏قدر‏ ‏المسئولية‏ ‏هتبهدل‏.. ‏يعني‏ ‏هودي‏ ‏وجهي‏ ‏فين‏.. ‏هعمل‏ ‏ايه‏ ‏بعد‏ ‏كده؟‏!.. ‏فالنجاح‏ ‏بجد‏ ‏مسئولية‏ ‏كبيرة‏.‏‏


‏وأيه‏ ‏الجديد‏ ‏اللي‏ ‏هنستناه‏ ‏منك‏ ‏في‏ ‏الفترة‏ ‏دي‏ ‏؟


‏إن‏ ‏شاء‏ ‏الله‏ ‏هتلاقوا‏ ‏كليب‏ ‏بتروح‏ ‏اللي‏ ‏صورته‏ ‏في‏ ‏فرنسا‏.. ‏وكمان‏ ‏بدأت‏ ‏مع‏ ‏المخرج‏ ‏يحيي‏ ‏سعادة‏ ‏الإعداد‏ ‏لتصوير‏ ‏كليب‏ ‏اللي‏ ‏بيحصل‏ ‏بناء‏ ‏علي‏ ‏طلب‏ ‏الجمهور‏ ‏المصري‏ ‏اللي‏ ‏بلاقيه‏ ‏حافظها‏ ‏من‏ ‏أولها‏ ‏لآخرها‏ ‏وهينزل‏ ‏في‏ ‏الصيف‏ ‏بإذن‏ ‏الله‏.‏‏


‏والألبوم‏ ‏الجديد‏ ‏هينزل‏ ‏إمتي؟‏!‏‏


‏معروفة‏ ‏أني‏ ‏مش‏ ‏بنزل‏ ‏ألبوم‏ ‏كل‏ ‏سنة‏.. ‏لأني‏ ‏بشتغل‏ ‏علي‏ ‏ألبوم‏ ‏يكون‏ ‏فيه‏ ‏كل‏ ‏الأغاني‏ ‏هيد‏ ‏وبعدها‏ ‏بصور‏ ‏أكبر‏ ‏عدد‏ ‏من‏ ‏الأغاني‏.. ‏يعني‏ ‏ممكن‏ ‏يكون‏ ‏الألبوم‏ ‏الجديد‏ ‏في‏ ‏الشتاء‏ ‏الجاي‏ ‏إن‏ ‏شاء‏ ‏الله‏ ‏فعندي‏ ‏دلوقتي‏ ‏حاجات‏ ‏اتنفذت‏ ‏وحاجات‏ ‏لسه‏ ‏بتتطبخ‏ ‏علي‏ ‏النار‏.‏


‏وهل‏ ‏فيه‏ ‏حاجة‏ ‏مختلفة‏ ‏هنستناها‏ ‏منك‏ ‏؟


‏أكيد‏ ‏مش‏ ‏هزيح‏ ‏عن‏ ‏الاستايل‏ ‏بتاعي‏ ‏لانه‏ ‏بيشبهني‏ ‏ومش‏ ‏بيشبه‏ ‏حد‏ ‏تاني‏.. ‏بس‏ ‏طبعا‏ ‏هقدم‏ ‏مواضيع‏ ‏جديدة‏ ‏خاصة‏ ‏الاجتماعية‏ ‏منها‏ ‏لأني‏ ‏لما‏ ‏قدمتها‏ ‏في‏ ‏ألبومي‏ ‏الأخير‏ ‏حسيت‏ ‏أنها‏ ‏مست‏ ‏ناس‏ ‏كتير‏.. ‏وإن‏ ‏الناس‏ ‏عاوزة‏ ‏اللي‏ ‏يعبر‏ ‏عن‏ ‏الحالة‏ ‏اللي‏ ‏عايشين‏ ‏فيها‏.‏‏


‏سمعنا‏ ‏انك‏ ‏هتغني‏ ‏فيه‏ ‏باللكنة‏ ‏اللبناني‏ ‏والمصري‏ ‏والخليجي‏ ‏وكمان‏ ‏المغربي‏ ‏لأول‏ ‏مرة؟


‏تضحك‏ ‏بعفوية‏: ‏صح‏.. ‏برافو‏ ‏عليك‏.. ‏أنا‏ ‏فعلا‏ ‏هعمل‏ ‏كده‏.. ‏ويارب‏ ‏تبقي‏ ‏حاجة‏ ‏حلوة‏ ‏وأنجح‏ ‏فيها‏ ‏زي‏ ‏ما‏ ‏نجحت‏ ‏في‏ ‏الخليجي‏.


‏يمكن‏ ‏المصريين‏ ‏واللبنانيين‏ ‏والخليجيين‏ ‏بيفهموا‏ ‏لكنات‏ ‏بعض‏ ‏شوية‏ ‏لكن‏ ‏اللكنة‏ ‏المغربية‏ ‏غالبا‏ ‏مش‏ ‏بيستوعبوا‏ ‏الكتير‏ ‏منها‏.. ‏يعني‏ ‏هتغنيها‏ ‏إزاي‏ ‏؟


‏كلامك‏ ‏صح‏.. ‏وأكيد‏ ‏مش‏ ‏هغني‏ ‏الكلام‏ ‏المغربي‏ ‏اللي‏ ‏هو‏ ‏صعب‏ ‏أوي‏ ‏لأن‏ ‏هدفي‏ ‏برضه‏ ‏ان‏ ‏كل‏ ‏الناس‏ ‏تقدر‏ ‏تستوعبه‏.‏‏


‏ومين‏ ‏أكتر‏ ‏جمهور‏ ‏بتحسي‏ ‏أنه‏ ‏قريب‏ ‏منك‏ ‏بعد‏ ‏ما‏ ‏بقي‏ ‏صعب‏ ‏أننا‏ ‏نحكم‏ ‏بالمبيعات‏ ‏؟


‏الحمد‏ ‏لله‏ ‏وين‏ ‏ما‏ ‏بكون‏ ‏بلاقي‏ ‏التفاعل‏ ‏رهيب‏.. ‏ويمكن‏ ‏في‏ ‏مصر‏ ‏لأن‏ ‏حفلاتي‏ ‏أكتر‏ ‏وبسمع‏ ‏صوتهم‏ ‏كلهم‏ ‏كأنهم‏ ‏فرد‏ ‏واحد‏ ‏بيغني‏ ‏الأغنية‏ ‏علي‏ ‏المسرح‏.. ‏بس‏ ‏كمان‏ ‏في‏ ‏مختلف‏ ‏الدول‏ ‏العربية‏ ‏بلاقي‏ ‏ناس‏ ‏حابة‏ ‏الألبوم‏ ‏كله‏ ‏مش‏ ‏بس‏ ‏اللي‏ ‏بتتصور‏ ‏كليب‏.‏‏


‏عيد‏ ‏ميلادك‏ ‏اللي‏ ‏بعد‏ ‏ثلاثة‏ ‏أيام‏ ‏تقولي‏ ‏لنا‏ ‏ايه‏ ‏عنه؟‏تضحك‏ ‏بصوت‏ ‏عال‏: ‏مش‏ ‏عارفه‏.. ‏يمكن‏ ‏السنة‏ ‏اللي‏ ‏فاتت‏ ‏كان‏ ‏حلو‏ ‏أوي‏.. ‏وبتمني‏ ‏إن‏ ‏السنة‏ ‏دي‏ ‏يكون‏ ‏حاجة‏ ‏مميزة‏ ‏مع‏ ‏أصحابي‏ ‏وعيلتي‏.. ‏وأكون‏ ‏بصحة‏ ‏جامدة‏ ‏أوي‏.. ‏ثم‏ ‏تضحك‏ ‏بشكل‏ ‏متواصل‏ ‏لمدة‏ ‏دقيقة‏ ‏تقريبا‏.


‏شكلك‏ ‏افتكرتي‏ ‏حاجة‏ ‏حلوة‏ ‏؟


قالت‏: ‏جالي‏ ‏هدية‏ ‏عبارة‏ ‏عن‏ ‏موبايل‏ ‏قديم‏ ‏أوي‏.. ‏بس‏ ‏الموبايل‏ ‏ده‏ ‏له‏ ‏حدوته‏ ‏كده‏ ‏يعني‏.


‏أيه‏ ‏حكايته‏ ‏؟‏!‏


‏أيام‏ ‏ما‏ ‏كنت‏ ‏بالثانوي‏ ‏أهداني‏ ‏زميلي‏ ‏بالمدرسة‏ ‏موبايل‏.. ‏وكان‏ ‏ساعتها‏ ‏في‏ ‏بدايات‏ ‏ظهور‏ ‏الموبايل‏.. ‏وكان‏ ‏حاجة‏ ‏وهمية‏ ‏كده‏.. ‏وكبيرة‏ ‏جدا‏.. ‏المهم‏.. ‏فضل‏ ‏الموبايل‏ ‏ده‏ ‏عندي‏ ‏لحد‏ ‏ما‏ ‏عفن‏.. ‏وبعد‏ ‏مرور‏ ‏سنين‏ ‏طويلة‏ ‏اختفي‏ ‏صديقي‏ ‏وسافر‏ ‏خارج‏ ‏لبنان‏ ‏وانقطعت‏ ‏اتصالاتنا‏.. ‏ومشفتهوش‏ ‏خالص‏.. ‏لحد‏ ‏من‏ ‏فترة‏ ‏فوجئت‏ ‏بعودته‏ ‏وانه‏ ‏ارسل‏ ‏لي‏ ‏كارت‏ ‏ومعاه‏ ‏موبايل‏ ‏نفس‏ ‏الموديل‏ ‏كهدية‏.. ‏فكانت‏ ‏حاجة‏ ‏تحفة‏.. ‏فشفته‏ ‏كده‏.. ‏وافتكرت‏ ‏أيام‏ ‏زمان


‏وايه‏ ‏أول‏ ‏حاجة‏ ‏افتكرتيها‏ ‏؟


‏بصراحة‏.. ‏افتكرت‏ ‏قد‏ ‏أيه‏ ‏انا‏ ‏كنت‏ ‏بطير‏ ‏من‏ ‏الفرحة‏ ‏لما‏ ‏كان‏ ‏المحمول‏ ‏بيرن‏ ‏ميسد‏ ‏كول‏.. ‏تعلو‏ ‏الضحكة‏: ‏وما‏ ‏بين‏ ‏دلوقتي‏ ‏اللي‏ ‏بقيت‏ ‏اتمني‏ ‏فيه‏ ‏ميكونش‏ ‏عندي‏ ‏موبايل‏


‏بصراحة‏.. ‏لو‏ ‏شفتي‏ ‏شاب‏ ‏واعجبت‏ ‏به‏ ‏ممكن‏ ‏تلمحي‏ ‏له‏ ‏بأي‏ ‏حركة‏ ‏كده‏ ‏؟


‏تضحك‏ ‏مقهقهة‏.. ‏لا‏.. ‏مقدرش‏.. ‏بالعكس‏.. ‏بهرب‏ ‏بسرعة‏


‏بتهربي‏ !!.. ‏ليه‏ ‏؟


‏مش‏ ‏عارفة‏.. ‏بتكسف‏.. ‏تضحك‏.. ‏احنا‏ ‏كمان‏ ‏بنتكسف‏ ‏يعني‏.‏


‏رغم‏ ‏انك‏ ‏علي‏ ‏المسرح‏ ‏جريئة‏ ‏ومنطلقة؟‏!‏


‏الحمد‏ ‏لله‏.. ‏بس‏ ‏علي‏ ‏المسرح‏ ‏تأكد‏ ‏أنك‏ ‏بتشوف‏ ‏انسان‏ ‏تاني‏.. ‏وهتلاقي‏ ‏كل‏ ‏الاندفاع‏ ‏وكل‏ ‏الغرام‏ ‏يبان‏ ‏علي‏ ‏المسرح‏.. ‏لكن‏ ‏لما‏ ‏بشوف‏ ‏حد‏ ‏كده‏ ‏ولا‏ ‏كده‏ ‏بلاقي‏ ‏نفسي‏ ‏بهرب‏ ‏علي‏ ‏طول‏ !!‏


‏مش‏ ‏عاوزة‏ ‏تقعي‏ ‏في‏ ‏الحب‏ ‏؟


‏طبعا‏ ‏بأقع‏ ‏في‏ ‏الحب‏ ‏ـ‏ ‏تضحك‏ ‏ـ‏ ‏عادي‏.. ‏أنا‏ ‏بنت‏ ‏زي‏ ‏أي‏ ‏بنت‏.. ‏بس‏ ‏مفيش‏ ‏حاجة‏ ‏دلوقتي‏


‏ومين‏ ‏أكتر‏ ‏حد‏ ‏بتستني‏ ‏تسمعي‏ ‏صوته‏ ‏يوم‏ ‏عيد‏ ‏ميلادك‏ ‏؟


‏بجد‏.. ‏الجمهور‏.. ‏مافيك‏ ‏تتخيل‏ ‏قد‏ ‏أيه‏ ‏بتكون‏ ‏الفرحة‏ ‏لما‏ ‏اعرف‏ ‏انه‏ ‏فيه‏ ‏ناس‏ ‏من‏ ‏المعجبين‏ ‏بتوعي‏ ‏حافظين‏ ‏يوم‏ ‏عيد‏ ‏ميلادي‏ ‏وبيتصلوا‏ ‏بي‏ ‏وبيبعتوا‏ ‏لي‏ ‏ورد‏ ‏ورسائل‏.. ‏فبحس‏ ‏انهم‏ ‏بيحبوني‏ ‏من‏ ‏قلبهم‏.


‏علي‏ ‏ذكر‏ ‏الجمهور‏.. ‏مش‏ ‏خايفة‏ ‏يطلع‏ ‏لك‏ ‏مجنون‏ ‏ميريام‏ ‏تاني‏ ‏مثل‏ ‏اللي‏ ‏هدد‏ ‏بالانتحار‏ ‏لو‏ ‏انتي‏ ‏مكلمتهوش‏ ‏؟


‏‏تضحك‏ ‏مقهقهة‏.. ‏ده‏ ‏من‏ ‏حوالي‏ ‏اكتر‏ ‏من‏ ‏سنة‏.. ‏الموضوع‏ ‏ده‏ ‏كنت‏ ‏في‏ ‏البداية‏ ‏بحسبه‏ ‏مزحة‏ ‏وبعدها‏ ‏قلبت‏ ‏جد‏.. ‏فخفت‏ ‏اوي‏.. ‏وبعد‏ ‏كده‏ ‏كلمته‏.. ‏وبعد‏ ‏ما‏ ‏كلمته‏ ‏بدأ‏ ‏يبعت‏ ‏لي‏ ‏في‏ ‏كل‏ ‏ثانية‏ ‏رسالة‏ ‏لدرجة‏ ‏انه‏ ‏حسسني‏ ‏اني‏ ‏عايشه‏ ‏معاه‏ ‏حاجة‏ ‏زي‏ ‏ألف‏ ‏ليلة‏ ‏وليلة‏.. ‏يعني‏ ‏حاجة‏ ‏لدرجة‏ ‏الهوس‏..‏





‏وبعد‏ ‏كده‏ ‏حصل‏ ‏أيه‏ ‏؟


‏لما‏ ‏كلمته‏ ‏اكتر‏ ‏من‏ ‏مرة‏ ‏بقيت‏ ‏افهمه‏ ‏اني‏ ‏مش‏ ‏قادرة‏ ‏أرد‏ ‏علي‏ ‏الاتصالات‏ ‏والرسائل‏ ‏دايما‏ ‏لاني‏ ‏بكون‏ ‏مسافرة‏ ‏او‏ ‏في‏ ‏الاستوديو‏ ‏او‏ ‏مع‏ ‏أهلي‏.. ‏وهو‏ ‏بعد‏ ‏فترة‏ ‏تفهم‏ ‏الموضوع‏.. ‏والحمد‏ ‏لله‏ ‏دلوقتي‏ ‏بصحة‏ ‏جامدة‏


‏لسه‏ ‏متبعاه‏ ‏؟


‏كل‏ ‏فترة‏ ‏برد‏ ‏عليه‏ ‏طبعا‏.


‏في‏ ‏النهاية‏.. ‏تحبي‏ ‏تقولي‏ ‏أيه‏ ‏لمحبيكي‏ ‏من‏ ‏خلال‏ ‏مجلة ‏الشباب؟


‏إن‏ ‏شاء‏ ‏الله‏ ‏بنشوفكم‏ ‏قريبا‏.. ‏ويارب‏ ‏دايما‏ ‏أكون‏ ‏عند‏ ‏حسن‏ ‏ظنكم‏.. ‏ويرسي‏ ‏كتير‏ ‏ليكم‏.. ‏ويعطيكم‏ ‏ألف‏ ‏عافية‏.. ‏والجملة‏ ‏دي‏ ‏في‏ ‏اللبناني‏ ‏ومفيش‏ ‏منها‏ ‏في‏ ‏مصر‏.. ‏تضحك‏.. ‏بصراحة‏ ‏مبعرفش‏ ‏أقولها‏ ‏بالمصري‏‏ ‏الشباب؟